Ponnam Prabhakar: బస్ డిపో కోసం 4 కోట్లు మంజూరు..!
Ponnam Prabhakar: బస్ డిపో కోసం 4 కోట్లు మంజూరు..! 5 d ago
TG : ఖమ్మం జిల్లా చెన్నూరులో బస్ డిపో ఏర్పాటుకు ప్రభుత్వం టెండర్లకు పిలిచిందని మంత్రి పొన్నం ప్రభాకర్ అన్నారు. అసెంబ్లీలో క్వశ్చన్ అవర్ సందర్భంగా.. ఎమ్మెల్యే వివేక్ అడిగిన ప్రశ్నకు సమాధానంగా చెన్నూరు బస్ డిపో కోసం 4 కోట్లు మంజూరు చేశామన్నారు. మొదటి విడతగా కోటి 20 లక్షలు చెల్లించిందన్నారు. కాంపౌండ్ వాల్, బేస్మెంట్, గ్యారెజ్ పనులు పూర్తయ్యాయన్నారు. ఆర్టీసీకి సంబంధించిన భూమి హై కోర్టు స్టే ఉన్నందున పనులు నిలిచిపోయాయని పేర్కొన్నారు. హైకోర్టు స్టే ఎత్తివేసిన తర్వాత డిపో ఏర్పాటును పొన్నం వేగవంతం చేస్తామన్నారు.
క్వశ్చన్ అవర్ సందర్భంగా చెన్నూరులో ఆర్టీసీ బస్సు డిపో ఏర్పాటుపై ఎమ్మెల్యే వివేక్ ప్రశ్నించారు. చెన్నూరులో బస్సు డిపో ఏర్పాటు బస్ డిపో చాలా ముఖ్యమని వివేక్ అన్నారు. చెన్నూరుకు 3 రాష్ట్రాల బస్సులు వస్తాయని తెలిపారు. చెన్నూరులో త్వరగా బస్ డిపో పూర్తి చేయాలి. చెన్నూరులో రోడ్లు సరిగా లేవు.. నేను ఎమ్మెల్యే అయ్యాక పలు రోడ్లను బాగు చేశా. చెన్నూరు - హైదరాబాద్ ఆర్టీసీ బస్సు సర్వీసులు పెంచాలి.. మంచిర్యాల టూ చెన్నూరు వయా భీమారం బస్సు సర్వీసులు ఏర్పాటు చేయాలి.. ఆసిఫాబాద్ నుంచి హైదరాబాద్ వెళ్లే బస్సులు మందమర్రి డిపోకు వచ్చి వెళ్లాలి.. చెన్నూరు నియోజకవర్గానికి ఎక్కువ ఆర్టీసీ బస్సుల సౌకర్యం ఏర్పాటు చేయాలని వివేక్ విజ్ఞప్తి చేశారు.
